El PSOE critica que Feijóo tea "mudín" énte la medría económica d'España

Esther Peña destaca qu'España lidera la medría económica de la eurozona

La vocera del PSOE, Esther Peña, criticó esti domingu al líder del PP, Alberto Núñez Feijóo, por tar "mudín" énte la medría de la economía española y acusólu "d’inxertar l’ideariu de Vox a la so acción política".

En declaraciones a los periodistes, Peña tiró d’hemeroteca pa recordar que cuando Feijóo dexó Galicia en 2022, p’asumir el lideralgu del PP nacional, dixo nes sos primeres declaraciones qu’España diba entrar nuna "fondísima crisis económica".

Dende entós, señaló, el PP y Feijóo "tán callaos al respective de lo que tien que ver cola economía", como demuestra’l fechu de que nun fizo "nin una sola entruga" nes sesiones de control del Parllamentu nos últimos años, dixo.